Bolalar bizning kelajagimiz

Bolalar bilan olam yorqin

Xalqaro sport o‘yinlaridagi muvaffaqiyat

Rossiya Federat­siyasining Vladivostok shahrida bo‘lib o‘tgan “Osiyo bolalari” VII  xalqaro sport o‘yinlarida  174 nafar hamyurtlarimiz sportning 17 turi bo‘yicha kuch sinashdilar. Quvonarlisi, Norin tumanidagi 1-umumta’lim maktabining 9-sinf o‘quv­chisi, tumandagi Bolalar va o‘smirlar sport maktabida 4 yildan buyon erkin kurash bo‘yicha muntazam shug‘ullanib kelayotgan yosh sportchi  Sanjarbek Anvarbekov “Osiyo bolalari” xalqaro musobaqasida erkin kurash bo‘yicha barcha raqiblarini yengib, musobaqaning oltin medalini qo‘lga kiritdi.

Ma’lumot o‘rnida, “Osiyo bolalari” o‘yinlari  Osiyo Olimpiya Kengashi tashab­busi bilan har 4 yilda bir marta o‘tkaziladi. Kelajagi nurli, aniq maqsad sari odimlayotgan yoshlarimizning yutuqlari bardavom bo‘lsin.

                                                                                                                                                                                                                                                  Naziraxon OMONOVA,

                                                                                                                                                                                              Norin tumanidagi 1-umumta’lim maktabining o‘qituvchisi


Isroil YUSUPOV