Maktabimizda Oʻzbekiston Respublikasi Davlat bayrogʻi qabul qilinganining 35 yilligi munosabati bilan “Bayrogʻimiz — faxrimiz” mavzusida ma’naviy-ma’rifiy tadbir tashkil etildi.
Unda ta’lim va ilm–fan boshqarmasi boshligʻi vazifasini bajaruvchi Xayrullo Abdurahmonov, tengdoshlarimiz, oʻqituvchilar hamda keng jamoatchilik vakillari ishtirok etdilar.
Jarayonda boshlangʻich sinf oʻquvchıları tomonidan Davlat bayrogʻini madh etuvchi she’rlar, milliy qoʻshiqlar va kuylar ijro etildi.
Boshqarma boshligʻi oʻz soʻzida Davlat bayrogʻi mamlakat mustaqilligi, xalq birdamligi va milliy gʻururimizning muqaddas ramzi ekanini ta’kidladi.
Tadbir bizning qalbimizda Vatanga muhabbat, milliy qadriyatlarga hurmat va davlat ramzlariga daxldorlik tuygʻusini mustahkamlashga xizmat qildi.
Ziynatbonu MUXIBULLAYEVA,
Namangan shahridagi 31-umumta’lim maktabining 10-sinf oʻquvchisi