Ilm-ma’rifat muvaffaqiyatlar asosi. Kosonsoy tumanidagi 13-umumta’lim maktabining informatika fani o‘qituvchisi Rahimjon Fozilov o‘z faoliyati, tashabbuslari asosida buni amalda isbotlab kelayotgan muallimlardan biri.
15 yillik pedagogik tajribaga ega o‘qituvchi maktabning o‘zidan 7 mln. so‘m maosh oladi. O‘z ustida tinimsiz izlanishdan charchamaydigan o‘qituvchi, shuningdek, qo‘shimcha o‘quv kursi tashkil qilgan bo‘lib, o‘quvchilarga informatika va matematika fanlarini chuqur o‘rgatib, oliy ta’limga tayyorlamoqda. Mingga yaqin o‘quvchiga zamonaviy bilimlarni puxta o‘rgatib, istiqbol sari dadil yetaklayotgan mohir muallim ushbu qo‘shimcha mashg‘ulotdan oyiga 6 mln. so‘m daromad topmoqda.
Kosonsoyning chekka hududida faoliyat yuritayotgan tashabbuskor o‘qituvchining izlanishlari nafaqat tumandagi, balki butun viloyat miqyosidagi hamkasblariga ibrat va o‘rnak.
Asmonur REJABBOYEVA